زود صفحتك على الفيس بوك وعلى المواقع الاجتماعية الاخرى

FollowLike

ارفع ... اربح ... ارفع ملفك على موقع فايل ابلود وشاركه على الفيس بوك واربح منه

https://www.file-upload.com/assets/images/logo_new.png

مصطفى إبراهيم ...

مصطفى إبراهيم


صدقنى أنا كان نفسى أتعلّق فى حاجات ياما

وأعيش إحساس إن أنا فعلاً من غيرها هموت

أنا أعرف أعيش

من غير ما احتاج إنى أقرا الوقت

من غير ولا واحد م اللى أنا أعرفهم دلوقت

أنا أعرف أعيش من غير اسمى

أو سنتوف برّة حدود جسمى

ومن غير السلسلة والمفاتيح

ومن غير ولا واحد من أهلى

ومن غير سارة

ومن غير البنت اللى أنا نفسى أجيب منها ولاد

ومن غير فيزا البنك الأهلى

وهشوف من غير النضّارة

عايز هَوا بس.. وميّة.. وزاد

كل يومين.. بَكْبَر وارمى حاجات

واكتشف إن أنا كان ممكن أعيش

من غيرهم أصلاً م الأول

معرفش بقى اليأس اتحوّل

وقلب على زُهد..

ولا ده جين صوفى من الأول مش محتاج جهد؟!

#المولوية

ليست هناك تعليقات:

إرسال تعليق