ناقص دبدوب من ديوان مرسال لحبيبتى (صور مقتبسه)
ناقص دبدوب
فتـّشت كتير هداياىَ الرّاجعه ومالقيتهوش
..دوّرت فْ كل هديه كتير بالطول والعَرض
..وقلبت الشنطـَه كمان عَ الأرض
ولقيتْ دِبله وجوابات وكروت
..وجنيه مقسوم وصُور وقلوبْ
..لكن برضُه
!! ناقص دبدوبْ
للمزيد من الاقتباسات المصورة اضغط هناـــــــــــــــــــــــــــــــــــــــ
..كل اللىّ فْ قلب الشنطه معاىَ بيستنظـَر
وبجدّ الشنطه بدون دبدوب
..مالهاش منظرْ
كل الجوابات ممكن يكتبها حبيب غيرى
والدِبله خلاص موضوعها اتشال من تفكيرى
والباقى حاجات بتكون دايماً بين أىّ اتنين
..وبتتكرّرْ
..وفْ شنطة كلّ حبيب وحبيبه هتِلـْقِى حاجات منهُم واكترْ
وهتـِلقِى شموع ودموع وفرَح وأمَل ساكِنْ
مُمكِن
..لكِنْ
!! مش كل حبيب بيجيب دبدوبْ
..كنت امّا ازعلْ
ألاقيكى بتِجرى على الدبدوبْ
..لجـْلْ يصالحِك
وفْ أحزانِك بيمدّ إيديه
..علشان يمسح دمعة جرحِكْ
وفْ فرحِك
..كان من فرْحُه يطيرْ
..دا انا كُنت بغِيــرْ
لمّا اعرف انّه امبارح كان بين دراعِينـكْ
وباحسّ ساعات وكأنه حَرَس بينى وبينِكْ
..واتخيّل إنّه ساعتها خلاص قرّب منـّك
..وإديكى عليه
..وعنيكى عـَليه
:أجرى واطلـّع صورتِك واندَهْ
!! والله يا روحى أنا اللى شارِيه
ناقص دبدوب _ أشرف توفيق
 |
| للمزيد من الاقتباسات المصورة اضغط هنا ناقص دبدبدوب |
 |
| اشرف توفيق .. قصيدة ناقص دبدوب |
للمزيد من الاقتباسات المصورة اضغط هنا
 |
| اغنية ناقص دبدوب |
 |
| من كتاب مرسال لحبيبتى |
 |
| شعر مصور |
ليست هناك تعليقات:
إرسال تعليق