فيه مقالة علي موقع ideaspots.com
Emotional PSYCHOPATH
Emotional PSYCHOPATH
Emotional PSYCHOPATH
Emotional PSYCHOPATH
If Your Guy Does These 5 Things, He’s An Emotional PSYCHOPATH
بمعني
( لو الراجل بتاعك بيعمل الخمس حاجات دية فده معناه انه سيكوباتي عاطفيا )
.. بس هو يعني ايه سيكوباتي عاطفيا ؟! .. الـ Emotional PSYCHOPATH (السيكوباتي العاطفي ) مش شخص مجنون او شكله مبهدل و مش واعي في حياته زي ما اغلب الناس ممكن تتخيل ، إنما هو شخص شكله عادي جدا و بالعكس ممكن يكون جذاب و عامل زي رشدي اباظة بس نفسيا مش طبيعي فبيتعمد يأذي الناس اللي حواليه , و من اشهر العلامات اللي الشخصية ديه :
1- دايما حيخليكي تتخيلي ان كل حاجة غلطتك :لما بتحصل اي مشكلة في اي علاقة بيكون المطلوب ساعتها مقدار كبير من المصارحة و التعامل الناضج مع المشكلة ديه , بس نطرا ان الشخص السيكوباتي في الغالب بيبقي عنده نسبة عالية جدا من النرجسية و الغرور بيلجأ لاسلوب غير سوي في اللحظات اللي زي ديه و هو انه يرمي المشكلة دايما و بشكل غير عقلاني علي شريكته .. فهي دايما العامل الرئيسي خراب الكون !! منها بيكون رمي المشكلة علي حد ففي وجهة نظره هو كدة عمل دور مهم في تحديد سبب المشكلة فبرافو عليه عبقري بسلامته ! و منها برضة علي مقدار الأنا اللي عنده فهو يا حول الله عايش مع واحدة سبب في كل المشاكل ديه و مستحملها فكتر الف خيره !!!
2- دايما بيشكك في نفسك :
هو هنا مش حيطلعك سبب المشاكل , انما دايما حيغالط في معلوماتك و يهز ثقتك في نفسك و فكرك ! فمثلا لو انتي شوفته غلط و واجهته حيقولك انتي شوفتي غلط و فسرتي الموضوع بطريقة مش مضبوطة لدرجة انه يوصل لحاجة اسمها الـ Gaslighting و اللي مقتبسة من فيلم اتعمل سنة 1938 بعنوان Gas Light و اللي بيتكلم عن قصة واحدة جوزها كان بيتعمد يطلعها قدام نفسها مجنونة و بيتهئ لها حاجات و بالرغم ان الحاجات ديه كانت حقيقة أنما هو كان بينكرها عشان يثبت في عقلها فكرة انها فعلا مجنونة !! فالسيكوباتي دايما حيخليكي كائن معندكيش ثقة في نفسك و المبرر ان كدة سهل يتلاعب بيكي زي ما هو عاوز فيقنعك باللي علي مزاجه و يخبي عنك برضة اللي علي مزاجه ..
3- كل حاجة غلطتك :
ممكن تبان النقطة دية زي الأولي بس في فرق ، هنا هو بيوصلك شعور مستمر بالذنب و التقصير , فهنا حتي و لو مفيش مشكلة و الدنيا كويسة إنما انتي دايما مكسورة و مهمومة عشان ممكن تعمل اللي عليكي أكتر !! فالشخص السيكوباتي ميعرفش كلمة “ شكرا ” اللي ناس اللي بيحبهم .. فتحسي انك في علاقة مفهاش اي تقدير ليكي
4- بيتعمد يقطع كل حاجة جواكي :
في اي علاقة ممكن يحصل خلاف او حد يضايق حد غصب عنه , بس مع الشخص السيكوباتي هو بيدور علي اي الحاجات اللي تضيقك و يعملها , و المبرر النفسي ليه انه يقدر يعمل اي حاجة ! فميش حاجة هو مش حيعملها عشان خاطر اي حد .. فمثلا لو انتي طلبتي منه ميعليش صوته عليكي في الشارع أو ميعملش حركة معينة بتجرحك قدام اهلك , حتلاقيه كل مرة تنزلوا سوا بيخلق اي سبب تافه و يعمل اللي يضايقك و دايما في المبرر الوهمي المش منطقي اللي حيخليه يستمر في اللي بيعمله .. و تبقي انتي بتسألي ازاي بيحبني و يعمل حاجة زي كدة ؟!؟ و الإجابة ببساطة ان السيكوباتي مش بيحب غير نفسه , اما انتي فاداة تحكم لنزواته و رغباته بين
ايداه …
5- دايما بيعزلك عن اللي حواليكي :
تخيلي بعد ما حد يعمل فيكي كل ده و غالبا كل يوم تنامي مهمومة و تعبانه حيكون عشان يضمن استمراريتك معاه لازم اهم حاجة يضمن ان مفيش حد تاني في حياتك ممكن يحتويكي او حتي يكون في بينك و بينه اي تواصل ! فهو عاوز اداته اللي بيستخدمها حسب مزاجة تبقي تحت طوعه و سيطرته و عشان يعرف يربطها لازم يكون في دافع و اللي دايما بيكون انه هو الانسان الوحيد في حياتها .. فبيخسرك اصاحبك و قاريبك , يعزلك اي حد او حتي اي نشاط بتحبيه عشان متقليش غيره فتفضلي مدينة لوجوده و خايفة دايما لسيبك و تبقي لوحدك !!
ليست هناك تعليقات:
إرسال تعليق