ده أنا طول عمري راضية باللي ربنا قاسمهولي
وأقول يمكن بختي قليل في الدنيا،
وبسترجى منه العوض في الآخرة
اللي حصل أن البخت ماطلعش قليل،
والفرج جالي ماروحتلوش
جه من وسع ..
جه وقالي اتجوزيني
عارف الست بتحس بإيه لما تتضرب أول مرة؟
تعرف طعم المرارة لما تتضرب تاني وتالت!
عمرك حسيت إن نفسك مكسورة،
وهانت عليك وعلى الدنيا كلها
ترجع تصبّر نفسك وتقول معلش بكرة يتغير
ويطلع رهانك على فشوش
أنا كنت قفلت الباب ده من زمان
مابفكرش في الجواز
ماكنتش أعرف أن في رجالة بتطبطب
نفسي ادوق طعم الطبطبة يا سمير
مش هقولك بقى الكلام اللي بيقولوه
في الأفلام والمسلسلات وعمري ابتدا من جديد
بس الفرحة اللي بحس بيها لما يطل عليا، بتشرح قلبي
بتصبّرني لحد ما يطل من جديد
#هذا_المساء 2017
ليست هناك تعليقات:
إرسال تعليق