- في ايه ياسيد ؟! . هو بعاد شاهندة عمل فيك ايه ؟
= بعاد شاهندة خلاني اجيب الشريط من اوله
- انت كنت بتغير من اخوك ؟
= ايوة .. كلنا.. ايوة كنا بنغير منه . ادتيه كل طاقة الحب اللي عندك وبعد مامات ماعدناش
نشوف الحب الا زي مواسم !
نشوف الحب الا زي مواسم !
"عضم الميت ..احسن من لحم الحي !"
آه ياما . السكينة اللي دبتيها في قلبي
لما قولتي الكلمة دي !!
لما قولتي الكلمة دي !!
- خلاص .. ماعدش في فرق حي عن ميت!
= انت ظلمتيني يااما .. ايوة ظلمتيني ! . قلبك مافيش احن منه .. بس لسانك ! .. زي مايكون ماكنش مطاوعك تقوليلي انت اد ايه حبتيني .
- انا قبل منك مات مني اتنين .. ماتوا . سابولي وجع في قلبي . رضيت بقسمة ربنا وقولت خلاص ما بيعيشليش عيال ، لكن لما حبلت فيك قولت اللي ف بطني دا مش هتعلق بيه ابداً
ابداً وربطت على قلبي وقعدت استنى الموت ياخدك مني ، لكن الحمدلله اديك في حضنى دلوقت ولما جه ممدوح حمدت ربنا وشكرته انه عوضني باتنين بدل الاتنين اللي راحوا ودعيت ربنا يباركلي فيكوا ويخليكوا ليا ..انا عارفة اني غلطت ! وبعترف اني عاملت وحبيت ممدوح كأنه البكري . و اهو ربنا عاقبني ع الحب اللي حوشته عنك من خوفي لاتروح مني ورضيت بعقابه ياسيد .. ممدوح راح . ماتعرفش عذابي في فراقه اد ايه.
#موجة_حارة | 2013 |
عن رواية منخفض الهند الموسمي ل أسامة أنور عكاشة
| مريم نعوم | محمد ياسين
ليست هناك تعليقات:
إرسال تعليق