 |
| اقتباسات مصورة مصطفى إبراهيم |
 |
| اقتباسات مصورة مصطفى إبراهيمم |
 |
| اقتباسات مصصورة مصطفى إبراهيم |
 |
| اقتباسات مصورة مصطفى إبيراهيم |
م
 |
| مصطفى إبراهيم الشاعر |
 |
| اقتباسات مصورة مصطفى إبراهيم |
 |
| اقتباسات مصورة مصطفى إبراهيم |
 |
| اقتباسات مصورة مصطفى إبراهيم |
 |
| اقتباسات مصورة مصطفى إبراهيم |
 |
| قواعد الدايرة السبعة |
السلام عليكم ياللى سيبتونا و نزلتم تحت
السلام عليكم ياللى سيبتونا و طلعتم فوق
ما بيبكيناش ف غيابكم الا الشوق
و ما تفهموش من ضحكتى انى ارتحت
لو حد فينا ارتاح
يبقى اللى بيغمض ساعة الفراق
اما انا ساعة الفراق ... فتحت
__________________
انتا مش مجنون..
ولا كلّ ما بتسرح شويّة بيكون اكتئاب
أو لما بتهلفط لوحدك وانتا في الأوضة وقافل عليك الباب
او تضحك على حاجة في دماغك وانتا وسط الناس
او تزغلل عينيك وتشوف وشوش بشر جوا السحاب...
وكلاب بتجري في نقش البلاط وطيور...
او عيون جوا البريق باصّالك...
وانتا اللي مش قادر تشوف م النور
...
كل اللعب في الدنيا بلعبها في دماغي
لحد اما تبقى كل حاجة جميلة
او العالم بتقله يمر
عالم..
ما فاضلش جوّاه اي حاجة تثبتلي اني حر
غير الثواني القليلة
اللي بسيب جوّاهم
ّخيط دماغي يكر
______________________
يا هل ترى كانت اللغة قاصدة..
وهيَّ بترص القوافي للكلام وترتّبه
وكل كلمة يبقالها أخت في القافية
بتجرجر الشعرا وراها لنفس المعنى بالعافية؟
قاصدة تحط كلمة حق جنب كلمة لأ؟
وكلمة أرض جنب كلمة فرض جنب كلمة عرض؟
كلمة شهيد أخت كلمة نشيد بعيد وسعيد؟
كلمة أمل أخت كلمة عمل
كلمة شوف أخت كلمة خوف
كلمة صبر جنب كلمة قبر
كلمة زمن أخت كلمة تمن
كلمة طريق أخت كلمة صديق
كلمة نور أخت كلمة سور
وكلمة أب أخت كلمة رب
اللغة هيَّ اتفاقنا من قبل السنين؟
ولَّا صوتنا سوا..
اللي ما بنعرفش ده صوت مين؟
ولَّا اللغة كائن تاني..
بعقل مفصول جوّاني؟
ولَّا ببساطة المزيكا..
هيَّ اللي بتملّي الاتنين؟
---------------------------------------
#اللغة من ديوان #الزمن
قل لم ولن تعلم
ماذا يدور
ف الدنيا اللي طالَّة زي السِّحر م البلُّور
إلا إذا فتَّحت.. عيونك الاتنين ف وش النور
ورأيت سنين البشر وهيَّ بتتبني وتتهد
يا هل ترى الدنيا دي بجد ولّا انا بحلم؟
قل لم ولن تعلم يا أسير الزمن
الدنيا هيَّ الشروة ولّا هيَّ التمن
كل اللي صدقناه كان كدب ولّا بجد
الذاكرة..
هيَّ البشر والسنين العابرة ولّا روح الحد
السنين المُرة تمن الإرادة الحُرة..
ولّا ده تهريج؟
ولّا بلعنا القصة اللي ألِّفناها بالتدريج؟
ولّا اترمينا ف فيلمنا وماشيين معاه؟
تهرب لفين يا ابن الحياة م الزمان الأب؟
تعرف منين..
ده عقاب..
ولّا تسلسل منطقي..
ولّا امتحان الرب؟
الحق واحد ولّا مليون حق؟
ليه القمر بطَّل من زمان ينشق؟
المعجزات؟
-خلصوا
والمؤمنين
-ورثوا
قول لكل زمايلك الشكَّاكة لابد يحترسوا
الحياة رهان كبير
والعدم رهان خطر
لازم تصدَّق في كلام الأثر
وف قلب الإنسانية اللي اتعصر علشان..
يوصفلك الجنة والصراط والنار
يوصفلك البير اللي ملُهش قرار
معنى الوجود ومعنى الخير
والجنة اللي بحسن السير
منين نجيبلك معجزة من غير
ما الكاميرا تقفشنا
واحنا بنلفّق.. حكاية للمجهول
وكأننا خايفين نقول
إن الأمل
اللي بيعيشنا لما نتألم
هوَّ الوحيد اللي كان وما زال
له حق يتكلم..
..
حبايبنا مش ف قبورهم
حبايبنا في مكان ما مستنينا نزورهم
جايز هنبدأ من جديد تاني
جايز يكونوا ابتدوا قبلنا
نحكيلهم ع اللي فاتهم هنا
ويحكولنا ع اللي فاتنا هناك
جايز يكون الموت..
مش أكتر
من الشبَّاك
----------------------------------------------
من ديوان #الزمن
.............
بعرف اقول معرفش
و بعرف اقول شكراً
و بعرف اقول للشعب العامل دُمتُم ذخراً
و بقول للشعب العطلان معلش..
انا حاسس بيك
بتمنى الدنيا تدّيني و تدّيك
بتمنى الدنيا تفهمنا واحد واحد
أو تستنانا لحد ما أحزاننا تفارقنا
بحلم زيّٙك أعيش مرتاح..
و أعيش إنسان
و بحلم يوم ما نلاقي طريقنا
تفضل حاجة ما بيننا
إحنا كمان
مش للبيع..
ولا للنسيان
#الزمن
مفروض الواحد يعمل ايه؟..
لو مش مندمج بالكامل
مع العالم و لا الأحداث
ولا كلام الناس
و ماشي جنب الدنيا
لا بيقرّبوا من بعض
هوّ أو هيّ
ولا بيتباعدوا
و النصايح..
المستمرة المخلصة
م الأصدقاء و الأهل
بكل الحب ف الدنيا و كل الجهل
بضرورة الإبتعاد عن الفكر الزيادة
و خطورة الإعتماد على حبوب السعادة
و ضرورة إكتشاف الخلل
المؤدي للإكتئاب و الملل
و محفوظات الرضا و البطر
و الدعاء اثناء نزول المطر
و كل الكلام الجميل المكرر ده ..للأسف
مش قادر يساعده
أن يندمج..
و ينهمك..
و ينزل الملعب بقلبه و بروحه و اعصابه
يعمل ايه ؟
و هوّ مش قادر يكدّب اللي حاسس بيه
زي اللي شاف الفيلم مية مرة
و داخله تاني ..
مجاملة لصحابه
#الإندماج #الزمن #مصطفى_إبراهيم
أمشي في ليل القاهرة المُظلِم
أمشي بيأس القاتل المضطر
أمشي برهبة محدثين الشر
أمشي لأني لو وقفت أموت
أمشي لأن الموت هنا مؤلم
#مصطفي_ابراهيم
#الزمن
ليست هناك تعليقات:
إرسال تعليق